Denda frankiziadun berriak elikadura-zerbitzu osoa eskaintzen die kontsumitzaileei, fabrikatzaile-markekin, kalitatezko bere marka propioarekin eta fraskoen lidergoarekin.
EROSKIk supermerkatu frankiziadun berri bat inauguratu du Huelvako Rociana del Condado udalerrian, Lepanto kaleko 20. zenbakian. EROSKI/City izena duen establezimenduak tratu pertsonalizatuagoa eskainiko dio bezeroari. Horrez gain, tokiko produktuen eta garaiko freskoen aldeko apustu sendoa egingo du, eta elikadura osasungarria eta eguneroko erosketan aurrezteko modu berriak sustatuko ditu. Establezimenduak 5 langile ditu guztira.
Supermerkatuak produktu-aukera zabala eskaintzen du bere 400 metro karratutik gorako gainazalean, liderrak diren fabrikatzaileen marketakoak, marka propioetakoak eta tokiko ekoizleenak. Era berean, elikagai freskoen eskaintza zabala du, bereziki tokiko garaiko fruta eta barazkiak, eta erreferentzia osasungarriek pisua hartu dute; horrela, handitu egin da produktu ekologikoen eskaintza. Bertan laberatutako okindegiko eta opildegiko produktuak ere eskaintzen dira establezimenduan, bezeroei ahalik eta freskotasunik handiena bermatzeko.
Hilero egingo dira eskaintzak eta promozioak, kontsumitzaileek errazago aurrezteko. Aurreztearen aldeko apustua egiten du, eta hori argi eta garbi islatzen da EROSKI Club-ekin, Bazkide-Bezeroak markarekin fidelizatzeko programa; izan ere, programa horrek oso promozio erakargarriak eskaintzen ditu, Travel Club programaren abantaila guztiez gain.
65 frankizia inauguratu ditu 2021ean
EROSKIk 65 frankizia inauguratu ditu 2021ean. Guztira, 8 milioi eurotik gorako inbertsioa egin da, eta 306 lanpostu sortu dira. Hedapen horrek, bere denda-sarean abiarazitako eraldaketarekin batera, ‘zurekin’ merkataritza-ereduaren hedapena sustatzen du, EROSKI denden belaunaldi berria finkatuz.
Edukia irakurtzen jarraitu nahi baduzu, sartu emprendedores.es webgunean
