Zergatik jarri abian EROSKI frankizia?
Ekiteko moduko frankizia hautatu nahi baduzu, EROSKI supermerkatuen frankiziak aukeratzeko informazio guztia aurkituko duzu hemen.
Datuak EROSKI frankizien berme onena dira
Beharbada, elikadura-denda bat irekitzeko erabakia hartu duzu, baina oraindik zeure buruari galdetzen diozu zer frankizia jarri dezakezun abian. Eskaintzen dizkizugun aukera guztiek gure frankiziadunen datuen, esperientziaren eta iritziaren berme osoa dute. Kooperatiba garenez, benetan sinesten dugu geure frankiziadunekin daukagun harremanean, eta uste dugu frankizia desberdina eskaini behar diogula merkatuari.
+96%
gomendatzen gaituzte gure frankiziatuen artean
+628
frankiziatutako supermerkatuak Espainian
+45
urteko esperientzia frankizietan
+3.5M
2024an Espainian inbertitzeko frankizia irekitzen baduzu, onena izan dadila.
Informazio hau oso lagungarria izango da zuretzat, frankizia egokia nola aukeratu behar duzun jakiteko. Izan ere, kanpoko aitortzak negozioaren arrakastaren laburpen ezin hobea dira.
Hiru aldiz, Espainiako Merkataritzako Frankizia Onena aukeratu gaituzte Frankiziaren Nazioarteko Azokan; eta Urteko Frankizia Onena, Urteko Saltegi Onenaren Sarietan.
Supermerkatuen frankiziak bete-betean hazten ari den sektore segurua dira, eta, orain, inbertsio txikia nahiz 150 m2 baino ez dituzu beharko, EROSKI Rapid ireki ahal izateko
Elikagaien frankiziek segurtasun eta lasaitasun handia ematen dute, elikaduraren sektorea funtsezkoa baita egunerokotasunerako, eta arrisku txikia eta errentagarritasun ona dituzte.
EROSKI frankiziadunen elkartearen laguntza izango duzu zeure supermerkatua irekitzeko
Gure supermerkatuen frankizietako bat duten frankiziadun guztiek elkarte handiaren babesa daukate: EROSKI frankiziadunen elkartea.
Egunez egunekoa kudeatzeko laguntza jasoko duzu, eta honako hauxe ere aurkituko duzu bertan: informazioa, elikadurako azken joerak, hainbat abantaila eta zuretzako nahiz zure langileentzako etengabeko prestakuntza.
EROSKI frankizia, balioak dituen frankizia
Gaur egun, pertsonek gero eta interes handiagoa dute beraientzat eta beren ingurukoentzat onak diren produktuetan. Tokiko produktuak bilatzen dituzte, km 0 produktuak, animalien ongizatea bermatzen duten produktuak; solidarioak diren markak bilatzen dituzte, konexioan egoteko enpresak.
EROSKI frankiziak, jasangarritasunarekin hartutako konpromisoa
Ingurumenarekin begirunetsuagoak izateko lan egiten dugu, eta ekoizpen jasangarriaren eta animalien ongizatearen alde apustu egiten dugu. MSCren auditoretza gainditu duen Espainiako lehen banaketa-katea gara, eta horrek errespetuzko arrantza ziurtatzen du; eta, Greenpeacen arabera, plastikoaren aurkako markarik konprometituena gara.
Elikadura osasungarriaren aldeko apustua egiten dugu geure EROSKI frankiziaren bidez
Elikagaien segurtasunerako eta haurren obesitatearen prebentziorako lan egiten dugu. Aitzindariak izan ginen gure produktuetan nutrizio-semaforoa txertatzean. Gehigarri artifizialak kendu ditugu eta EROSKI markako produktuak osasuntsuagoak izateko lan egiten dugu.
EROSKI frankizietan, tokiko produktuak garatzen laguntzen dugu
Leku bakoitzeko ekoizleekin lan egiten dugu, tokiko 20.000 produktu baino gehiago eskaintzeko. Gure Eroski NATUR markako freskoak arduratsuagoak dira.
Geure EROSKI frankizietan, kontsumo arduratsu eta solidarioa bultzatzen dugu.
Pertsonak dira gure jardueraren motorra; horregatik, hainbat kanpaina solidario egiten ditugu. 4.700 tona elikagai baino gehiago eman ditugu dohaintzan, eta hainbat GKErekin lan egiten dugu. 0 hondakinen alde apustu egiten dugu, denda eraginkor eta emisiorik gabeko baten alde.
