Frankiziak EROSKI

Frankiziak

Frankiziak EROSKI

EROSKI/city frankiziak hurbiltasunezko supermerkatuen bidez garatzen du haren negozio-kontzeptua. Produktu freskoak eskaintzen dituzten elikagai-dendak dira, eta salmentak bezeroarenganako arretan, prezio lehiakorretan eta eguneroko kontsumoko produktuetan oinarritzen dira.
Denda horiek erreferentziakoak izan ohi dira auzo, herri eta udalerrietan, denboran iraunkorra eta errentagarria den negozio bat ematen dute eta haien marka zuriaren kalitate bikainarekin eta marka aitortu eta ezagunen eskaintza zabalarekin fidelizatzen dituzte bezeroak.

Ireki zure supermerkatua

Zuk zeuk zure negozioa zuzentzeko interesa baduzu, 944 05 20 78 telefonora dei dezakezu. Edo nahiago baduzu, inprimaki hau bete, eta zurekin harremanetan jarriko gara.

Lan bila zabiltza? Kontsultatu gure eskaintzak hemen sakatuz

Sartu zure datuak

Interesgarriak izan daitezkeen beste datu batzuk

Frankiziak EROSKI finantzaketa

Finantzaketa

- Erraztasunak finantzazioan, salgaiak ordaintzeko.
- Bidalketak ez dira kobratzen eskudiruz, eta ordainketa geroratuak aplikatzen dira.
- Laguntza lehen eskaera finantzatzeko, zentroa betetze aldera.
- Salmenten rappel edo irabaziak, deskontu estra batekin funts galdu gisara.

Frankiziak EROSKI

Merchandising

- Berezko markaren posizionamendu garrantzitsua merkatuaren barruan, eta sorta handia eta kalitate-prezio erlazio bikaina produktu-kategoria guztietan.
- Merkataritza-profesionalen sare bat zure zerbitzura, merkataritzaren alorreko laguntza osatua emateko.
- Aholkularitza pertsonala dendan, eta dendaren merkataritza-jarraipena, merkataritza-arduradunaren eskutik.

Frankiziak EROSKI prestakuntza

Prestakuntza

- Frankizia-hartzailea kudeaketa-tresna batez hornitzea, kudeaketa-sistema informatizatu guztiek emandako informazioa biltzen duena.
- Negozio-kudeaketaren aldagai nagusien informazio guztia ematea: kostuak, marjinak, salmentak, etab.
- Doako prestakuntza etengabea oinarrizko lanetan eta kudeaketa-arlo nagusietan.

Frankiziak EROSKI

Logistika

- Logistika-zerbitzua dohainik, ohikotasunez eta kalitatekoa.
- Zerbitzu kopuruen beharretara egokituta, frankizia-hartzailearen eta establezimenduaren arabera.
- Mugarik ez eskaeretan eta zerbitzuetan, txanden arabera.

Frankiziak EROSKI

Eta, horrez gain…

- Zurekin batera bilatzen dugu lokala.
- Aurkitzen ditugu inbertitzaileak.
- Eskura jartzen dizkizugu beharrezko tresna teknologiko guztiak.
- Proiektua abiarazi aurretik zure negozioaren bideragarritasun-plana egiten dizugu, gardentasunez eta fidagarritasunez.

Frankiziak EROSKI baldintzak

Baldintzak

- Hasierako inbertsioa: 600 €/m2
- Sarrera-eskubidea: Ez dago
- Royalty: % 1,68 (garraio-gastua barne)
- Publizitate-kanona: Ez dago
- Kontratuaren indarraldia: 5 urte, luzagarriak
- Gutxieneko populazioa: 2.000 bizt.
- Gutxieneko azalera: 200 m2

Frankiziak

EROSKIN, gurekin bat egiteko aukera ematen dizugu, gure supermerkatuen frankizien bitartez. Ekintzailea zara? EROSKIrekin bat egin!

Merkataritza frankiziarik onenaren espainiako saria jaso dugu

EROSKIri Frankiziaren Espainiako Saria eman diote Retailing/Merkataritza kategorian, Valentzian egin duten Frankiziaren Nazioarteko 28. erakusketan. Frankiziatzaileen Espainiako Elkarteak eman dio saria; haren bitartez, EROSKIri meritu hau aitortu diote: “Merkatu berria nondik nora doan ikusita, negozio eredua egokitzen jakin du, eta...
Merkataritza frankiziarik onenaren espainiako saria jaso dugu

Osasunarekin eta jasangarritasunarekin konprometituta

EROSKIn hasieratik uste izan dugu denda dela elikadura ona eta kontsumo arduratsua sustatzeko aukera ematen digun lekua.<br>Gaur, osasunarekiko eta jasangarritasunarekiko 10 konpromisotan jaso dugu uste sendo hori, eta haiek erakusten digute jarraitu beharreko bidea. Betidanik eta betirako, benetan garrantzitsua den horretan egiten dugu aurrera.
Osasunarekin eta jasangarritasunarekin konprometituta

Eta, horrez gain, frankizien kluba zure ondoan beti

 

– Dohainik

– Zure negozioarentzako albisteak

– Zerbitzuak eta abantailak

– Merkataritza-informazioa

– Prestakuntza

 

Elkarrizketa EROSKIko frankizien zuzendaria den Enrique Martínez jaunari

EROSKI frankizia merkatuko aukera errentagarrienetako bat da. Gure asmoa da frankiziadunak lasai lo egitea hasieratik. Lehenik, negozioa errentagarria bazaio guretzat ere errentagarria izango delako...

Elkarrizketa EROSKIko frankizien zuzendaria den Enrique Martínez jaunari

EROSKIK merkataritza-frankizia onenaren sari nazionala jaso du

Nazioartean aitortutako sari hauen xedea da 2014an saritutako bereizgarrien berrikuntza eta hedapena aitortzea EROSKIK “zurekin” denda-eredu berria frankiziatu du; tratu pertsonalizatuagoan oinarritzen da, produktu freskoak eta tokikoak dira protagonista eta eguneroko erosketetan aurrezki handiagoa dago Aurten...

EROSKIK merkataritza-frankizia onenaren sari nazionala jaso du

Informazio gehiago behar duzu?

 

Informazio gehiago behar baduzu, 944 052 078 telefonora deitu edo franquicias@eroski.es helbidera e-maila bidali.

Bisita birtuala supermerkatura

Inauguramos un supermercado franquiciado en Mutriku

Osasunarekin eta jasangarritasunarekin konprometituta

EROSKI/City zigilupean frankizia-supermerkatu berria ireki dugu Mutrikun (Gipuzkoa), San Agustin kalean. Supermerkatu berriak gure denda-sarean sustatzen dugun “zurekin” eredu komertzialari jarraitzen dio, eta, hala, haren nortasunaren bereizgarriak elikagai freskoen protagonismoa, bezeroenganako tratu pertsonalizatua, tokiko produktuen aldeko apustu irmoa eta elikadura osasungarria sustatzea dira. Establezimenduak zazpi langile ditu.

Supermerkatuak 3.500 produktu dauzka haren 275 metro karratuetan, ekoizle aitzindarien marken, berezko markaren eta tokiko produktuen artean. Halaber, elikagai freskoen sorta zabala dauka, bereziki tokiko sasoiko frutak eta barazkiak, eta erreferentzia osasungarriek ere garrantzia hartzen dute, aukera handitu baita.

 

Arreta pertsonalizatua harategiko eta urdaitegiko salmahaietan

Bezeroek salmahaiko arreta pertsonalizatua daukate harategiko eta urdaitegiko ataletan. Horrez aparte, okintza-produktu eta opil laberatu berriak ere eskaintzen ditu, bezeroei ahalik eta freskotasun handiena bermatzeko.

Eskaintzak eta sustapenak egongo dira hilero, gure kontsumitzaileei aurrezten laguntzeko. Aurrezpenaren aldeko apustu horren erakusgarririk garrantzitsuena EROSKI Club fidelizazio-programa da, Gipuzkoan 230.000 afiliatu inguru dituena. EROSKI Clubek % 15erainoko deskontuak eskaintzen ditu 2.500 produktu baino gehiagotan, baita sustapen eta eskaintza esklusiboak eta Travel Club programaren abantaila guztiak ere.

 

600 milioi eurotik gorako erosketak

Gure politika komertziala tokiko ekonomiak ahalik eta gehien sustatzea da, inguruan aberastasuna sortzeko eta nekazaritzako elikagaien garapena eta garapen ekonomikoa eta soziala bultzatzeko helburuz. Ildo horretatik, Euskadin egindako 10.000 produktu baino gehiago merkaturatzen ditugu.

Sasoiko elikagai freskoek eta tokiko produktuek protagonismo berezia dute gure establezimenduetan ezartzen ari garen “zurekin” denda-ereduan, eta Mutrikun gaur inauguratu dugun supermerkatuak eredu horri jarraitzen dio ere. 1.600 euskal hornitzaile baino gehiagorekin aritzen gara elkarlanean, 600 milioi euroko salmenta-bolumenarekin. Izan ere, gure erosketen % 60 nekazaritzako elikagaiak dira.

Merkataritza frankiziarik onenaren espainiako saria jaso dugu

EROSKIri Frankiziaren Espainiako Saria eman diote Retailing/Merkataritza kategorian, Valentzian egin duten Frankiziaren Nazioarteko 28. erakusketan. Frankiziatzaileen Espainiako Elkarteak eman dio saria; haren bitartez, EROSKIri meritu hau aitortu diote: “Merkatu berria nondik nora doan ikusita, negozio eredua egokitzen jakin du, eta ekintzaileekin partekatu du”. Lau urte honetan, bigarren aldiz aitortu diote EROSKIri Espainiako Merkataritza frankiziarik onena dela. Nazioartean ospea duten sari hauen helburua da negozio modalitate horretan jarduten diren aktore nagusiak balioan jartzea eta haien lana aitortzea. EROSKIko Frankizien zuzendariak, Enrique Martinezek atsegina erakutsi du: “Sari hau jasota, aitortu digute ahalegin ona egiten dugula egunero-egunero gure frankiziatuen atsegina eskuratzeko. EROSKIn asko saiatzen gara gure eredu komertziala ekintzaileekin banatzen, eta gure helburua da oraindik eta gehiago hobetzea frankiziatuei ematen diegun zerbitzuen kalitatea, aholkularitza eta babesa”. Hau ere gogorarazi du: “EROSKI langileen eta kontsumitzaileen kooperatiba bat da; hortaz, ez da beste enpresak bezalakoa: inplikatua dago bera dagoen tokietako garapen ekonomikoan”.

EROSKIren frankizia eredua oso lehiakorra eta errentagarria da; EROSKIk eta frankiziatuek duten harreman estuak laguntzen du horretan. Eredu horrek jarduera handia sorrarazten du bezeroekin eratzen den harreman sakonaren bitartez. Ondorioz, saltzailea bera da negozioaren kudeatzailea; haatik, ez dago bakarrik: esperientzia handiko profesionalen laguntza eta EROSKI markak ematen duen konfiantza ditu atzetik. “200 ekintzailek eta inbertsiogilek baino gehiagok jarri dute guregan konfiantza hiru urte honetan, eta gaur egun, arrakastaz dihardute oinarrizko sektore honetan, hots, elikadurarenean. Gure frankizia guztien arrakasta

ekonomikoa lortzeko lanean aritzen gara, gure frankiziatuek negozio arrakastatsu, sendo eta luzera begirako baten jabe izan daitezen”, esan du EROSKIren Frankizien Saileko zuzendariak. Era berean, hauxe gogorarazi du: “Inor ez lezake egin frankiziarik EROSKIk bezala; beste gisa batekoak gara, eta gure frankiziatuak, enpresaren parte ez izanik ere, bertako kide balira bezala sumatzen ditugu”.

Berrikuntza frankizian

EROSKIk zenbait urte daramatza garapena eta I+G+b arloa lantzen, eta horren ondorio da Zurekin eredu komertziala, zeina 2.200 bezero baino gehiagoren iritzian oinarritu baitu. Bezero horiek beren ekarpenak, balorazioak eta iradokizunak helarazi zizkioten EROSKIri berak dituen askotariko harrera kanalen bitartez. Horrela, gaur egungo kontsumitzailearen portaera gidatzen duten balioetan oinarrituta, erosketa kontzeptu moderno eta erakargarria definitu du kooperatibak. Hain zuzen, krisi luze honek eraldatu duen kontsumitzailearentzat prestatua dagoen erantzun berritzailea da. Izan ere, tokiko produktuei balio handiagoa ematen hasi da berriz kontsumitzailea, eta aniztasuna eta aukeratzeko askatasuna estimatzen ditu. Zutabe nagusiak orain dela hiru urte finkatu ziren, eta bidean, eraldatu eta egokitu egin dira zutabe horiek saltokietako formatu ereduetara: nola auzoetako denda txikietara hala hipermerkatu handietara. Gaur egun, frankizia supermerkatu ireki berri guztiak ari dira kooperatibak bultzatzen duen Zurekin eredu komertzial berriaren barrenean. “Eredu honek bultzada handia hartu du frankizien sarera hedatzearekin, eta frankiziek oso balorazio onak egin dizkigute, baita bezeroek ere”, esan du Enrique Martinezek.

EROSKIren frankizia formatu komertzialetan dagoen azken berrikuntza Rapid da. Komenentziako autozerbitzu bat da, ordutegi zabala duena, hamabost ordu egunero zabalik (08:00-23:00), urteko 365 egunetan eta bere 150 metro koadroetan. Metro koadroko dagoen eskaintza komertzialik zabalena dauka, 3.600 erreferentzia baino gehiagorekin. Horrela, kontsumitzailearen 800 bat premia estaltzen ditu.

“RAPID erako lehen denden emaitza bideragarritasun planean espero zena baino hobea izan da, nola frankizientzat hala geuretzat. EROSKIkoontzat, tokian tokiko enpresariekin egiten den luzera begirako akordio bat da frankizia. Analisiaren eta bideragarritasun planaren lehen faseetatik aholkularitza erabatekoa ematen dugu, eta, gainera, martxan diren denden segimendua egiten dugu, frankiziatuari negozioaren kudeaketan laguntzeko eta etengabe bere bezeroen beharretara egokitzeko”, esan du EROSKIren Frankizien zuzendariak, Enrique Martinezek; haren ustez, “aholkularitza profesionala eta hurbiltasuna dira, negozio errentagarritasunarekin batera, alderdirik nabarmenenak RAPID erako lehen frankiziatuetan”.

Ezagutu gure sariak eta aitorpenak.

EROSKIk berezko eta hirugarrenen cookieak erabiltzen ditu. Gure cookien politika espresuki onartzen baduzu edo eremu eta menu ezberdinetan sartuz orrialde ezberdinetatik nabigatzen jarraitzen baduzu, cookien instalazioa eta erabilera onartzen dituzu. Informazio gehiagorako, sakatu hemen.