EROSKI frankizia, egokitzen den frankizia
Lokalaren tamaina eta kokapena faktore erabakigarriak dira supermerkatuen frankizian egin duzun inbertsioan errentagarritasun handiena lortzeko orduan. EROSKIn, zenbait formatu eskainiko dizkizugu, zeure EROSKI supermerkatua edozein kokapenetan ireki dezazun.
- Arduraduna: EROSKI, S. COOP..
- Helburua: Kontsultei erantzutea.
- Legitimazioa: Zure baimena.
- Hartzaileak: Comvive Servidores S.L..
- Eskubideak: Datuak eskuratu, zuzendu eta ezabatzea.
- Informazio Gehigarria: Informazio zehatza kontsulta dezakezu Pribatutasun Politikan.
Elikadurako frankizia arrakastatsua izateko beharrezkoak diren eskakizunak
Kokapen ona funtsezkoa da frankizia errentagarria irekitzeko orduan
Kokapena giltzarrietakoa da negozio errentagarria lortzeko orduan. EROSKIn, zurekin aztertuko dugu buruan daukazun lokalaren bideragarritasuna, edo, bestela, Espainia osoan zorroan ditugun lokalak eskainiko dizkizugu.
Finantzaketa egokituak zure EROSKI frankiziaren errentagarritasuna ziurtatuko du
Zenbat ordaindu behar da janari-denda irekitzeko? galderari erantzuteko, azterketa zorrotza egin beharko da, kasuan kasuko premiak zein diren jakiteko. Gure taldeak une oro lagunduko dizu, zeure supermerkatuko frankizia ahalik eta inbertsio txikienaz lortzeko aukera izan dezazun. Horrez gain, EROSKIk zeure denda lehen aldiz betetzeko prozesua finantzatuko dizu dohainik.
Ekiteko moduko frankizietan dugu esperientzia
Esperientzia funtsezkoa da edozein negoziotan, eta, EROSKIn, 45 urtetik gorako esperientzia daukagu. Izan ere, 628 frankiziako supermerkatu baino gehiago egin ditugu, eta geure esperientzia guzti-guztia erabiliko dugu supermerkatua nola jarri behar duzun abian azaltzeko orduan.
EROSKIk Espainian inbertitzeko emandako laguntza
EROSKIn, merkataritzaren arloko aholkularitza eta laguntza emango dizkizugu lehenengo urratsetatik, baita denda irekitakoan ere. Merkataritzako aholkularitza hori eta EROSKIk zuretzat dohainik egiten duen publizitatea oso lagungarriak dira zeure frankiziaren errentagarritasuna lortzeko orduan.
EROSKI frankizietarako doako zerbitzu logistikoa
Supermerkatuen frankizietarako logistika, produktu freskoetan, batez ere, funtsezkoa da erabat. EROSKIn, ohiko eta doako zerbitzu bikaina eskainiko dizugu. Izan ere, frankizia bakoitzaren premietara dago egokituta txandaketaren arabera, eta ez dauka inolako mugarik eraman beharreko eskaerari dagokionez.
Zeure inbertsioa ziurtatzeko etengabeko eta doako prestakuntza
Sistema informatiko esklusiboak eta etengabeko prestakuntza eskainiko dizkizugu, eguneroko prozesuak behar bezala kudeatu ditzazun. Horrez gain, negozioaren kudeaketako aldagaiei buruzko informazio guztia izango duzu eskuragarri; esate baterako, salmentak, kostuak, marjina…
EROSKI supermerkatua abian jartzeko hasierako eskakizunak
Hasierako inbertsioa:
700 €/m2
Sartzeko-eskubidea:
Ez dago
Logistikako-gastua:
Ez dago
Publizitateko-kanona:
Ez dago
Kontratuaren indarraldia:
5 urte, luzagarriak
Gutxieneko biztanle-kopurua:
1.500 bizt.
Gutxieneko azalera:
200 m2
Nola ekin EROSKI supermerkatuaren frankiziaren bidez?
Zeure supermerkatua abian jartzeko lokala aurkitzen lagunduko dizugu.
Lehenengo eta behin, lokala aurkitu beharra dago, baina ez kezkatu, zure premien araberako lokal egokiena aurkituko dugu zurekin, edo, bestela, Espainia osoan zorroan dauzkagun lokaletako bat eskainiko dizugu.
Zeure frankizia abian jartzen laguntzeko finantzaketa kudeatuko dugu zurekin.
Lokala daukazunean, obra zibilari, baimenei, lokala egokitzeko behar duzun guztiari eta finantzaketari buruzko informazioa emango dizugu. Era berean, gogoan izan Espainiako banku onenekin ditugula hitzarmenak, zeure inbertsioaren errentagarritasuna ahalik eta onena izan dadin.
Bideragarritasun-plana gardentasunez eta fidagarritasunez egingo dugu, zure supermerkatua errentagarria izan dadin
Bideragarritasun ekonomikoari buruzko azterketa prestatuko dugu, hasiera-hasieratik EROSKI frankiziaren errentagarritasuna baloratzeko asmoz.
Automatizaziorako eta hobekuntzarako tresna teknologikoak eskainiko dizkizugu, zeure frankizian ahalik eta errentagarritasun onena lortu dezazun.
Azken aurrerakuntza teknologikoak izango dituzu eskuragarri, stockaren, eskaeren eta eskaintzaren kudeaketa EROSKIk eskaintzen dizkizun tresna esklusiboen bitartez automatizatzeko eta hobetzeko.
EROSKIrekin frankizia-kontratua duten frankiziadunen profilak
Enpresaria
Beste negozio batzuetan esperientziarik baduzu, zuretzat are errazagoa izango da EROSKIko frankizia abian jartzea. Horrez gain, une honetan supermerkaturik badaukazu eta EROSKI frankizia bihurtu nahi baduzu, baldintza bereziak eskainiko dizkizugu.
Hementxe kontsultatu.
Bere frankizian inbertsioaren itzulketa onenaren bila dabilen inbertsiogilea
Inbertsioaren itzulketa onena duten supermerkatuetako frankizien
bila bazabiltza, frankizia egokia aurkitu duzu, ehunka arrakasta-kasu ditugulako EROSKI supermerkatuen frankizietan.
Ekiteko moduko negozio egokienaren bila dabilen ekintzailea
Negozio berriari ekitea oso zirraragarria da, eta, EROSKIrekin egiten baduzu, errentagarritasun handienaz eta arrisku txikienaz ekiteko frankizia erdietsiko duzu.
Autoenplegurako frankizia errentagarriaren bila dabiltzanak
Zeure lanpostua sortzea erabaki baduzu, autoenplegurako frankizia-aukera onena EROSKIrena da, supermerkatua kudeatzen lagunduko dizugulako eta emaitza onak lortuko dituzulako luzarora begira.
